Este valioso conxunto fotográfico, foi creado pola Xunta de Defensa de Madrid como Fondo propagandístico para denunciar os desastres da Guerra Civil. Posteriormente, foi ocultado e utilizado polo outro bando como instrumento de represión das ideas políticas. Hoxe, as súas imaxes, achégannos máis aos actos encamiñados para o recordo e homenaxe das vítimas dos bandos en guerra e para que a sociedade actual reafirme os lazos de convivencia política e social recollidos no espírito da Constitución de 1978?.

Está dispoñible na rede, e supón toda unha fonte de imaxes daqueles horribles anos. Moitas delas acabaron constituíndo probas irrefutables para a identificación e represión por parte dos golpistas.