Dianas e alboradas, bombas e foguetes; unha manifestación cívica polas principais rúas da vila; o bautizo dunha rúa co nome da entidade; discursos dos escritores Manuel Lugrís e Antón Vilar Ponte; un banquete na Terraza e un ?paseo de moda na Alameda?; un baile público na praza de San Roque; e unha festa ?de arte galega? no salón do Pedral con coro e gaiteiros. Así se celebrou o 4 de setembro de 1927 a inauguración oficial da escola Sada e os seus Contornos, un edificio ideado por un grupo de sadenses que emigraron a Nova York a principios do século pasado e que hoxe en día segue aberto, co seu inconfundible estilo modernista, como colexio de Infantil e Primaria.