A desgobernamentalización dos medios públicos galegos era unha das promesas do bipartito, no marco do seu compromiso de rexeneración democrática do país. Van alá dous anos e a reforma non está nin sequera sobre da mesa. Ben ao contrario, do que se fala é de manipulación, e a liorta entre PSdeG e BNG polo control da información tivo en Antón Losada a primeira vítima política.